終於捱到合約到期，起初還是以標奇立異為換機主旨，新正頭竟然無懼唔好意頭，想平月費零機價免預繳出部係人聽到都啋啋聲的Mo記的Android機。最終還是被Sales說到以較平月費又係零機價免預繳出部挨瘋衫。你無睇錯，唔係挨瘋科，係挨瘋衫！
說實在挨瘋科必然優勝，此刻有市又有價，唔買就笨實！的確係可以賺到師奶流哂口水日排夜排都未必有機轉手的千多元，又即時Show you the money現金到手。可是我是用家，並不是要摩貨出街，盈利現金流早就與我無尤！不過讓自己做頂多半年的潮人，然後又要磅多四千幾俾誠哥又說不過去。
再者，縱然預料到手上的靚冧巴會隨著有Apps替代而愈來愈少用，加上主觀意願就更加不捨放棄這組具有意義同時又有點小題大做的宇串。
自此在鐵路車廂中會跟其他師奶宅男一樣手拿挨瘋，我會警告自己千祈咪學他們那樣玩推銀仔！
Android，請多等一會吧，我會找靚冧巴給你容身的。要繼續供兩份會就當然是睇餸食飯！
No comments:
Post a Comment